Հագուստ բոլորին/Clothes for all
Հայաստանում չկա մի համայնք, որտեղ չլինեն անապահով ընտանիքներ: Նրանցից շատերը հազիվ են գոյատևում՝ մի կերպ վաստակելով օրվա մի կտոր հացը: Այդ ընտանիքների անդամները տարվա բոլոր եղանակների համար ունեն մի, լավագույն դեպքում երկու, երեք կտոր հագուստ:
Անձնապես առընչվելով նման ընտանիքների հետ՝ որոշեցի մեր համայնքում իրականացնել մի ակցիա, որի շրջանակներում համայնքի անդամները մեր հասարակական կազմակերպությանը տրամադրեցին իրենց ոչ պետքական , սակայն նորմալ վիճակում գտնվող հագուստն ու չոր մթերքներ՝ կռուպեղեն, շաքարավազ, ալյուր, ձիթայուղ և այլն: Այդպիսով տարեմուտին անակնկալ մատուցեցինք համայնքի 10 բազմանդամ և ծայրահեղ անապահով ընտանիքներին՝ նրանց տրամադրելով մեկական տուփ մթերք և մեկ փաթեթ բարվոք վիճակում գտնվող հագուստ:
Այս ակցիան իրականացնելու ընթացքում պարզ դարձավ, որ համայնքի գրեթե ամեն մի երկրորդ ընտանիք ունի քիչ օգտագործված հագուստ, որն այլևս անհրաժեշտ չէ իրենց, սակայն ափսոսում են դրանք դեն նետել կամ էլ ամաչում են ինչ-որ մեկին նվիրել:
Այդպիսով հագուստ տրամադրողների քանակը շատ մեծ էր և մենք ստպված էինք նրանցից շատերին մերժել՝ չնայած նրան որ անապահով ընտանիքներն իսկապես այդ հագուստների կարիքը շատ ունեին և մեծ հաճույքով դրանք ընդունում էին մեզնից: Ուստի ակցիայի ավարտին մի միտք հղացավ:
Ցանկանում եմ, մեր քաղաքի կենտրոնում գտնվող մթերային խանութում տեղադրել մի մեծ երկաթե տուփ, որտեղ բոլոր ցանկացողները կկարողանան դնել իրենց ոչ պետքական, սակայն բարվոք վիճակում գտնվող հագուստները՝ դրանով գիտակցելով իրենց՝ համայնքի մի մասնիկը լինու փաստն ու կատարած քայլի կարևորությունը :
Մեր հասրակական կազմակերպությունը պատրաստ է ամեն ամիս այդ հագուստները տարբերակել , լվանալ և պատշաճ տեսքի բերելով դրանք տրամադրել քաղաքի և ինչու չէ նաև կից համայնքների անպահով ընտանիքներին:
Համոզմած եմ, որ այս փոքրիկ , սակայն շատ կարևոր քայլն իրականցնելով մենք մեծապես կօգնենք անապահով ընտանիքներին ձեռք բերել իրենց համար շատ անհրաժեշտ հագուստի մասերը:
Հետագայում ընկերներիցս տեղեկացա , որ նման հաջողված փորձ կա արտերկրում: Ուստի կցում եմ այս նպատակով որոշ քաղաքներում դրված երկաթյա տուփի լուսանկարը: